ھۈسەيىن ئورۇچ ئەپەندى شىۋېتسىيەدىكى ئۇيغۇرلار بىلەن كۈرۈشتى

 

ياۋرۇپا دۆلەتلىرىدە غەيرى رەسمى زىيارەتتە بولۇۋاتقان ئىنسانىي ياردەم ۋەقپىنىڭ مۇئاۋىن مەسئۇلى ۋە ھەيئەت ئەزاسى ھۈسەيىن ئورۇچ ئەپەندى شىۋېتسىيە ئۇيغۇر مائارىپ ئۇيۇشمىسىنى زىيارەت قىلدى.

سۆرەتتە: ئى ھاھا نىڭ مۇئاۋىن مەسئۇلى ھۈسەيىن ئورۇچ ئەپەندى، 2010-يىلى 08- ئاينىڭ 04- كۈنى، شىۋېتسىيە ئۇيغۇر مائارىپ ئۇيۇشمىسىدا زىيارەتتە

ھۈسەيىن ئەپەندنىڭ شىۋېتسىيەدىكى ئۇيغۇرلارنى غەيرى رەسمى ھالدا تۇنجى زىيارەت قىلىشى بولۇپ، زىيارىتى جەريانىدا ئۇ، ئۇيغۇر مائارىپ ئۇيۇشمىسى مەسئۇللىرى بىلەن تۇنۇشۇپ چىقتى، ۋە شەرقى تۈركىستاندا بۇلىۋاتقان ھەقسىزلىكلەر  جۈملىدىن شىۋېتسىيەدىكى ئۇيغۇرلارنىڭ ئۇمۇمى ئەھۋالى ھەققىدە ھازىرلانغان دوكىلاتنى ئاڭلىدى، ۋە ئۆز كۆز قاراشلىرىنى بايان قىلدى.

سۆرەتتە: ھۈسەيىن ئورۇچ ئەپەندى، شىۋېتسىيە ئۇيغۇر مائارىپ ئۇيۇشمىسىدا

ئاخىردا شىۋېتسىيە ئۇيغۇر مائارىپ ئۇيۇشمىسىنىڭ سابىق مەسئۇلى ئابدۇللاھ شىۋېتسىيەدىكى ئۇيغۇرلارغا ۋاكالىتەن ئىنسانى ۋەقپىنىڭ يېقىندىن بۇيان ئۇيغۇرلار مەسىلىسىگىمۇ كۆڭۈل بۈلىشىدەك خىزمەتلىرىگە يۇقۇرى باھا بەردى ۋە تەشەككۈرىنى بىلدۈردى.

 

ھۈسەين ئەپەندى مائارىپ ئۇيۇشمىسىنىڭ مەركىزىدە شىۋېتسىيەدىكى ئۇيغۇرلار بىلەن شام نامىزىنى بىرگە ئوقۇدى ۋە تەكلىپ بىلەن كەچلىك تاماقنى ئۇيغۇر مائارىپ ئۇيۇشمىسىنىڭ مەسئۇللىرى بىلەن بىرگە يىدى.

 

ھۆرمەت بىلەن: ئۇيغۇر مائارىپ ئۇيۇشمىسى تەشۋىقات بۆلۈمى