ئۇيغۇر مائارىپ ئۇيۇشمىسىنىڭ باش كاتىپى نىجات تۇرغۇن تەبرىك سۆزى قىلدى ۋە يىغىننىڭ مەزمۇنىى، كۈن تەرتىپىنى مېھمانلارغا ئېلان قىلدى.

2010—يىلى دىكابىر ئېيىدا شىۋېتسىيەدە ئۆتكۈزۇلگەن « ياۋرۇپادا ياشاۋاتقان ئۇيغۇر دىنىي زىيالىيلارنىڭ 1- نۆۋەتلىك غەيرى رەسمى ئۇچرىشىش يىغىنى »نىڭ يىغىن خاتىرىسى ۋە شۇ ۋاقىتتا چىقىرىلغان قارارلار كۆرۈپ چىقىلدى.

بۇ قېتىمقى يىغىننىڭ ئاساسىي تېمىسى، « مەسئۇلىيىتىمىزنى ئادا قىلىۋاتىمىزمۇ؟ » « نىشان بىرلىكىمىز نېمە؟» دېگەن تېما ئاساس قىلغان ھالدا سەئۇدى ئەرەبىستاندىن كەلگەن سەئۇدى ئەرەبىستان جىددە رادىئوسى ئۇيغۇرچە بۆلۈمىنىڭ رىياسەتچىسى قېرىندىشىمىز سىراجىدىن ئەزىز سۆزگە تەكلىپ قىلىندى. قېرىندىشىمىز سىراجىدىن ھاجىم « مەسئۇلىيىتىمىزنى ئادا قىلىۋاتىمىزمۇ؟ » « نىشان بىرلىكىمىز نېمە؟» دېگەن سۇئاللارنى چۆرىدىگەن ئاساستا ئەمەلىي مىساللار بىلەن ئەتراپلىق ھالدا چۈشەنچە بەردى.

يىغىن رىياسەتچىسىنىڭ ئورۇنلاشتۇرۇشى بىلەن تۈركىيىدىن كەلگەن شەرقىي تۈركىستان مائارىپ ۋە ھەمكارلىق جەمئىيىتىنىڭ باش نازىرى ئابلىكىمخان مەخسۇم، گوللاندىيەدىن كەلگەن ياۋروپا شەرقىي تۈركىستان مائارىپ جەمئىيىتىنىڭ مائارىپ بۆلۈمىنىڭ مەسئۇلى ئەيسا قارىم، فىنلاندىيەدىن كەلگەن ئەلى قارىم ۋە ئابدۇلھاپىز قارىم قاتارلىقلار يۇقىرىدىكى تېمىنى ئاساس قىلىپ مۇنازىرە ئېلىپ باردى. مۇنازىرىنىڭ خۇلاسىسىنى ئابلىكىمخان مەخسۇم ئەتراپلىق چۈشەنچىلەر بىلەن خۇلاسىلىدى.

بۇ قېتىمقى يىغىنغا: سەئۇدى ئەرەبىستان، تۈركىيە، گوللاندىيە، فىنلاندىيە، نورۋېگىيە، دانىيە قاتارلىق دۆلەتلەردىن ۋە شىۋېتسىيەنىڭ ھەر قايسى شەھەرلىرىدىن بولۇپ كۆپ ساندا كىشىلەر قاتناشتى.

يىغىن شىۋېتسىيە ۋاقتى چۈشتىن كېيىن سائەت 16:00 باشلىنىپ كەچ سائەت 22:30 دە ئاخىرلاشتى. يىغىن ئالتە يېرىم سائەت داۋاملاشقان بولۇپ، يىغىندا كۆپلىگەن سوئال- جاۋابلار بىلەن يىغىن ئىشتىراكچىلىرى ۋاقىتنىڭ تىز ئۆتۈپ كەتكەنلىكىنىمۇ سەزمىگەن.

ئۇيغۇر مائارىپ ئۇيۇشمىسى، تەشۋىقات بۆلۈمى